មូស្គូ៖ យោធារុស្ស៊ីបានអះអាងកាលពីថ្ងៃពុធថា ទាហានរុស្ស៊ីចំនួន ៤៩៨នាក់ត្រូវបានសម្លាប់ និងជិត ១ ៦០០នាក់បានរងរបួស ក្នុងអំឡុងពេលការវាយលុកដែលកំពុងបន្តលើប្រទេសអ៊ុយក្រែន។ ការអះអាងនេះគឺបានច្រានចោលការរបាយការណ៍របស់អ៊ុយក្រែនដែលថាទ័ពរបស់រុស្ស៊ីបានស្លាប់គរជើង។
ក្រសួងការពារជាតិរុស្ស៊ី បានបញ្ចេញរបាយការណ៍វិញថាតាមការប៉ាន់ប្រមាណរបស់យោធារុស្ស៊ី អង្គភាពកងទ័ពអ៊ុយក្រែន និងកងកម្លាំងប្រដាប់អាវុធស្តាំនិយម បានបាត់បង់ទាហានយ៉ាងហោចណាស់ ២ ៨៧០នាក់ ខណៈ ៣ ៧០០នាក់ទៀតបានរងរបួសផ្សេង។
ក្រសួងបានបន្ថែមថា៖ «ទាហានអ៊ុយក្រែនប្រមាណ ៥៧២នាក់ត្រូវបានចាប់ខ្លួនដាក់ពន្ធនាគារ»។
តួលេខផ្លូវការនៃជនរងគ្រោះដែលបានប្រកាសដោយទីក្រុងមូស្គូមានភាពខុសគ្នាយ៉ាងខ្លាំងពីការអះអាងដែលបញ្ចេញដោយទីក្រុងគៀវ ដែលបាននិយាយថាទាហានរុស្ស៊ីជាង ៥ ៨០០នាក់បានស្លាប់ចាប់តាំងពីការឈ្លានពានបានចាប់ផ្តើម។
ទីក្រុងមូស្គូបានចាប់ផ្តើមការវាយលុករបស់ខ្លួនប្រឆាំងនឹងប្រទេសអ៊ុយក្រែនកាលពីសប្តាហ៍មុនដោយអះអាងថាវាជាជម្រើសតែមួយគត់ដែលនៅសេសសល់ដើម្បីការពារសាធារណរដ្ឋដែលបំបែកខ្លួន Donetsk និង Lugansk នៅភាគខាងកើតរបស់ប្រទេស «ការបំបែកខ្លួន» និង «ធ្វើឱ្យអ៊ុយក្រែនគ្មានយោធា» គឺស្ថិតក្នុងចំណោមគោលដៅផ្សេងទៀតនៃប្រតិបត្តិការ៕
